பெண் குழந்தைகள் சிறு வயதிலேயே பூப்படைந்துவிடுவது அதிகரித்துவிட்டது. சீரான மாதவிடாய், இயல்பான கருத்தரிப்பு, உரிய காலத்தில் மெனோபாஸ் என்று வாழ்க்கையை அழகாக கடக்க வாழைப்பூவை அதிகமாக கொடுங்கள்.
- வாழைப்பூவை ஆய்ந்து புளித்த மோர் அல்லது அரிசி களைந்த நீரில் நறுக்கி அலசினால் சமைத்த பிறகு கருக்காமல் இருக்கும்.
- கருப்பை பிரச்சனைகளை நீக்கி கருப்பையை பலப்படுத்த உதவும் வாழைப்பூ தாய்மைப்பேறை வழங்குவதிலும் துணைபுரிகிறது.
அதிகப்படியான சளியா மிளகுக்குழம்பு எடுத்துகொள்ளலாம். வறட்டு இருமலா தேனுடன் கலந்த இஞ்சி கஷாயம் எடுத்து கொள்ளலாம். வயிறுவலி படுத்துகிறதா ஓமம் கலந்த நீரை எடுத்துகொள்ளலாம், கை, கால் குடைச்சலா மருந்துக்குழம்பு எடுத்துகொள்ளலாம். இப்படி நோய்க்கேற்ற உணவை எடுத்துகொண்டு வாழ்ந்த நம் முன்னோர்களை எந்தவிதமான நோயும் அண்டவில்லை.
சளிக்கு மாத்திரை, இருமலுக்கு மாத்திரை, விழுந்தால் மாத்திரை என்று தொட்டதெற்கெல்லாம் மாத்திரைகளுக்கு நாம் மாறிவிட்டோம். ஆனாலும்ஆரோக்கியமான ஆரோக்கியம் இங்கு நமக்கு கேள்விக்குறியாகவே இருக்கிறது.
நோய் இல்லாத மனிதர்கள் இல்லைதான். ஆனால் அதை உண்ணும் உணவில் விரட்டியடித்தவர்கள் நம் முன்னோர்கள். அவர்கள் உட்கொண்ட உணவின் வாயிலாகவே தலைவலி முதல் குழந்தையின்மை பிரச்சனை வரை அனைத்தையுமே சரிசெய்துகொண்டார்கள்.நோயில்லாமல் நீண்ட நாட்கள் ஆரோக்கியமாக வாழ்ந்தார்கள்.
இன்று பெண்களும் ஆரோக்கிய பிரச்சனையில் குறிப்பிட்ட சதவீதம் பாதிக்கப்பட்டு வருகிறார்கள். குறிப்பாக பெண் குழந் தைகள் விரைவில் பூப்படைந்துவிடுகிறார்கள். அதைத் தொடர்ந்து ஒழுங்கற்ற மாதவிடாய், அதிக உதிர போக்கு, நீண்ட நாள்கள் உதிர போக்கு, பிசிஓடி பிரச்சனைகள, கரு முட்டை வளர்ச்சி என்று அத்தனை பிரச்சனைகளையும் குறிப்பிட்ட சதவீத பெண்கள் சந்தித்தும் வருகிறார்கள்.
சிறுவயது முதலே ஆரோக்கியமான உணவை எடுத்துகொள்பவர்கள் நிச்சயம் ஆரோக்கியமான வாழ்வையும், உரிய நேரத் தில் தாய்மையையும் பெற்று வந்தார்கள். இன்றைய காலத்திலும் அத்தகைய உணவை சீராக எடுத்துகொள்பவர்கள் உண்டு. பெண்கள் தாய்மை அடைவதில் கருப்பையை செவ்வனே சிறப்பாக வைத்திருக்கவும் அதை செயல்படவைக்கவும் துணைபுரிவதில் முக்கியமானது வாழைப்பூ. இதை மருத்துவர்களும் ஒப்புகொண்டுள்ளார்கள்.
அதிக ஆரோக்கியத்தைக் கொடுக்கும் கருப்பு உளுந்தங்களியைச் செய்யலாமா?
வாழைப்பூ சாப்பிட கசப்பான உணவும் அல்ல. சற்றே துவர்ப்பு இருந்தாலும் அருமையான மருத்துவகுணங்களைக் கொண்ட ருசியான உணவு பொருளும் கூட. வாழைப்பூ கூட்டை வாரம் ஒருமுறை எடுத்துகொண்டால் கருப்பை பிரச்சனை கள் படிப்படியாக சீராகும். இவ்வளவு அற்புத குணமுள்ள வாழைப்பூ எளிதில் கிடைக்கும் விலை மலிவான பொருளும் கூட.
வாழைப்பூ கூட்டை எப்படிச் செய்வது என்று பார்க்கலாமா? பார்ப்பதோடு செய்தும் பாருங்கள்.
தேவையான பொருள்கள்
வாழைப்பூ -1
க.பருப்பு, து.பருப்பு-தலா 1 சிறிய கப்
சாம்பார் வெங்காயம் - அரை கப்
இஞ்சி, பூண்டு விழுது - 2 டீஸ்பூன்
பச்சை மிளகாய் - 3
தேங்காய்த்துருவல்- கால் கப்
கல் உப்பு - தேவைக்கேற்ப
மஞ்சள் தூள் - அரை டீஸ்பூன்
மிளகாய்த்தூள்- கால் டீஸ்பூன்
பெருங்காயம் - சிட்டிகை
தாளிக்க
கடுகு, சீரகம், வெந்தயம்- தலா 1 டீஸ்பூன்
கறிவேப்பிலை- தேவைக்கு
எண்ணெய்- தாளிக்க தேவையான அளவு
செய்முறை
குக்கரில் க.பருப்பு, து.பருப்பு சேர்த்து மூன்று விசில் விடவும். சாம்பார் வெங்காயத்தை நறுக்கி வைக்கவும். பச்சை மிள காயை நீள்வாக்கில் கீறி கொள்ளவும்.பச்சை மிளகாய் வேண்டாம் என்று நினைப்பவர்கள் வரமிளகாய் சேர்த்து தாளித்து கொட்டலாம்.
பருப்பு வெந்ததும் குக்கரை திறந்து நறுக்கிய வாழைப்பூ சேர்த்து வெங்காயம், பச்சை மிளகாய், இஞ்சி பூண்டு விழுது, மஞ் சள் தூள், மிளகாய்த்தூள் சேர்த்து மீண்டும் 5 விசில் வரை நன்றாக வேகவிடவும். அதிக நீர் விடாமல் ஒரு தம்ளர் நீர் விட்டா லும் போதும்.
உப்பு, தேங்காய்த்துருவல் சேர்த்து மீண்டும் ஒரு கொதிவிட்டு வாணலியில் எண்ணெய் விட்டு கடுகு, வெந்தயம், சீரகம் தாளித்து கறிவேப்பிலை சேர்த்து பெருங்காயம் போட்டு இறக்கவும். அருமையான சுவையில் வாழைப்பூ கூட்டு மணக்கும். ருசியும் கூடுதலாக இருக்கும். சூடான சாதத்தில் பிசைந்து சாப்பிடலாம். வற்றல் குழம்பு வைத்து தொட்டுக்கொள்ளலாம். அருமையான சைட் டிஷ் இது.
இனிப்பு நிறைந்த வெல்ல பணியாரத்தை வீட்டிலேயே செய்து அசத்துங்கள்...
குறிப்பு
வாழைப்பூ- வாழைப்பூ மடலை பிரித்து ஒவ்வொரு பூவையும் ஆய்ந்து அதிலிருக்கும் நரம்புகளை நீக்கி கொள்ளவும். இதன் இருபுறமும் வெள்ளையாக இருக்கும் அழுத்தமான பகுதியை தொப்பை என்று அழைப்பார்கள். இது வேகாது என்று நீக்கி விடுபவர்கள் உண்டு. ஆனால் இதை நீக்காமல் நறுக்க வேண்டும்.
வாழைப்பூவை ஆய்ந்துகொள்வதற்கு முன்பு இரண்டு உள்ளங்கைகளிலும் எண்ணெய் தேய்த்துகொள்ள வேண்டும்.
வாழைப்பூ ஆய்ந்ததும் அதைப் பொடியாக நறுக்கி புளித்த மோர் அல்லது அரிசி களைந்த நீரில் போட்டு நன்றாக களைந்து எடுக்கவும். இப்படி களையும் போது வாழைப்பூவின் நிறம் மாறாமல் அப்படியே இருக்கும். வெறும் நீரில் அலசும் போது அவை கருமை நிறமாக மாற வாய்ப்புண்டு.
கொஞ்சம் மெனக்கெடல் வேலைதான் ஆனால் உடல் ஆரோக்கியத்தை மனதில் கொண்டு வாரம் தவறாமல் எடுத்துகொண் டால் நிச்சயம் கருப்பை பலப்படும். இது முன்னோர்களின் அனுபவமான மொழி கூட.
